Get Adobe Flash player
සිංහල ගන්න

සත්පුරුෂ සිතුවිල්ලක්

අලුතින් ලාභ ප්‍රයෝජන අපේක්ෂා නොකරන්න.
සුරකිමු බුදු දහම
මුල් පිටුව

සත්පුරුෂයෙකු වීමට බියද?

අප ගිහි බෞද්ධ පිරිස පිංකමක් කිරීමට යනවිට මුලින්ම අපේ ස්වාමීන් වහන්සේලා විසින් පන්සිල්වල පිහිටුවනු ලැබේ. මෙම පන්සිල් ගැනීම නිසා ඔවුහු සිල්වත් ගිහියන් බවට පත්වෙති.

ඉන්පසු ස්වාමීන්වහන්සේලා පිරිස අමතන්නේ "ශ්‍රද්ධාවන්ත, සත්පුරුෂ පින්වතුනි" කියමිනි. සමහර විට ඒ සමග කාරුණික, වාසනාවන්ත, සිල්වත් ආදී විශේෂණ පද ද එකතුවිය හැක.

මේ අනුව ඉතා පැහැදිළිව පෙනෙන්නේ අප බෞද්ධ පිරිසක් පන්සිල් සමාදන් වූ විගසම "සත්පුරුෂ" යන නාමය ලැබීමට සුදුසු වන බවය. සරල ලෙස කීවොත් සත්පුරුෂයා යනු “සිතකයසහ වචනය යන තුන් දොර සංවර කරගෙනයහපත් දේ කරන පුද්ගලයානිසාය. දාන,  භාවනාදී අනෙකුත් යහපත් දේ නැතහොත්පින්කම් කිරීමට යනවිට මුලින් පන්සිල් සමාදන් වූ විගස කෙනෙකු තිදොර සංවරවී ඒ පින්කම් කරයි.

එසේම පින්කමක් අවසානයේදී "ඉමිනා පුඤ්ඤ කම්මේන" යන ගාථාව කියමින් නිවන් දකිනා තුරු ඉපදෙන ඉපදෙන භවයක් පාසාම සත්පුරුෂ ආශ්‍රයක් ලැබේවායි පතමු. සත්පුරුෂයන් බවට පත්වීම ද, සත්පුරුෂ ආශ්‍රය පැතීම ද අපට විශේෂ වන්නේ නිවන් දැකීම සඳහා එම ආශ්‍රය ප්‍රධාන අවශ්‍යතාවක් වී තිබීම නිසාය.

මේ අනුව නිවන් දකින්නට කැමැත්තෙන් සිටින බෞද්ධ පිරිස පිංකමක් කරන විටදී පමණක් සත්පුරුෂයන් වී අන්තිමේදී යලි යලිත් සත්පුරුෂයන් ලැබීමට පතමින් පමණක් කාලය ගත කරන බව පෙනේ. පින්කම් අවසන් වූ පසු තමාගේ සත්පුරුෂකම සහ එහි වැදගත්කම අමතක කිරීම යුතු නොවේ. එම සත්පුරුෂකම  දිගටම පවත්වා ගත යුතුය.

මෙම වෙබ් අඩවියේ සඳහන් පරිදි සත්පුරුෂ ගුණ කියවා තේරුම්ගෙන ඒවා තමා තුල ඇතිකරගැනීමෙන් ඕනෑම කෙනෙකුට සත්පුරුෂයෙකු වීමට හැකියාවක් තිබේ. එසේම එම සත්පුරුෂ ගුණ අගය කිරීම ද ඉතා වටිනා ක්‍රියාවකි. ඒ මගින් තවත් බොහෝ දෙනෙකු සත්පුරුෂයන් බවට පත්කිරීමට හැකියාව ලැබේ. සමාජයක් සත්පුරුෂ වීමෙන් කාටත් බියෙන් හා සැකයෙන් තොරව ජීවත් වීමට හැකිවේ.

ධර්මයට අනුව අප දැන් සිටින පෘත්ජ්ජන භූමියෙන් ඉවත්වී ආර්ය භූමියට යාමට නම්  මීට ප්‍රථම පෘතජ්ජන භූමියෙන් සත්පුරුෂ භූමියට පැමිණිය යුතුය. සත්පුරුෂ භූමියේ සිට ආර්ය භූමියට යාම වඩාත් පහසුය. සිහියෙන් තොර විටක වැරදි සිදුවීමට ඉඩ ඇති නමුත් සත්පුරුෂයාට වහා නිවැරදි වීමට ශක්තිය ඇත.

මේ නිසා සත්පුරුෂ ගුණ හැඳින ඒවා හැකිතාක් තමා තුල ඇතිකර ගැනීමත්, අනුන්ට කළ්‍යාණ මිත්‍රත්වයෙන් සැළකීමත් අප විසින් හැකි ඉක්මනින්ම කරගත යුතු කරුණු වේ.  ඉන් ධර්ම මාර්ගයේ ගමන් කිරීමට තමාට විශාල ධෛර්යයක්, පිටුවහලක් ලැබේ.

සත්පුරුෂ ගුණ හැඳින ඒවා තමා තුල වගා කරගැනීමට මේ  අනුව කිසිවෙකු කිසිවිටක බියවියයුතු නැත. බිය විය යුත්තේ සත්පුරුෂයෙකු නොවී සසර තවදුරටත් ගමන් කිරීමටය. බිය විය යුත්තේ එසේ සිට පව් කිරීමට සිදුවීම ගැනයය.

සැමට සත්පුරුෂ ගුණ වගා කරගැනීමට ධෛර්යය ලැබේවා ..!

සද්පුරුෂයෝ

සද්පුරුෂයෝ විල නිසා මල ඉපදිනි. මල නිසා විල පිවිතුරුය. පුද්ගලයා නිසා සමාජය සුන්දර විය. සමාජය නිසා පුද්ගලයා සුන්දර විය. අතීත සමාජය අජීවි දෙයට ද කෘතවේදි විය. ගහ කොළ ආදි ස්වභාවික වස්තු... ඉතිරිය..

සුදන ඇසුර සදයි සැපත

ශ්‍රද්ධා, ශීල, ත්‍යාග, ප්‍රඥා යන උසස් ගුණැති පුද්ගලයන් ඇසුර මහත් ප්‍රතිලාභයකි. එසේම මෙලොව හිත සුව පිණිස පවතින ධර්මතාවලින් එකක් ලෙසද කල්‍යාණ මිත්‍ර සම්පත්තිය ව්‍යග්ගපජ්ජ සූත්‍රයෙහි සඳහන් වේ. ධාර්මිකව සපයා ගත්... ඉතිරිය..

සත්පුරුෂයෙකු වීමට බියද?

අප ගිහි බෞද්ධ පිරිස පිංකමක් කිරීමට යනවිට මුලින්ම අපේ ස්වාමීන් වහන්සේලා විසින් පන්සිල්වල පිහිටුවනු ලැබේ. මෙම පන්සිල් ගැනීම නිසා ඔවුහු සිල්වත් ගිහියන් බවට පත්වෙති. ඉන්පසු ස්වාමීන්වහන්සේලා පිරිස අමතන්නේ "ශ්‍රද්ධාවන්ත, සත්පුරුෂ පින්වතුනි" කියමිනි.... ඉතිරිය..

සරු දේ ලබන්නෝ

නිස්සාර දේ සාර ලෙසත් සාර දේ නිස්සාර ලෙසත් පිළිගෙන පිරිහුණු හැටි. යමක වග්ගෝ - සාරංච සාරතෝ ඤත්වා - අසාරංච අසාරතෝ, තෙ සාරං අධිගච්ඡුන්ති - සම්මාසංකප්පගෝචරා - (සංජය පිරිවැජියන්  වෙනුවෙනි). සරු දෙය සරු ලෙස                 ම නිසරුව... ඉතිරිය..

කල්‍යාණ මිත්‍ර සේවනය යනු නිවන් මඟට ප්‍රව…

රාජකීය පණ්ඩිත, ශාස්ත්‍රපති තලල්ලේ චන්දකිත්ති හිමි තථාගතයන් වහන්සේගේ ධර්මයට පිවිසෙන අපට මේ සසර දුකින් එතෙර වීමට තිබෙන පළමු පියවර තමයි සෝතාපත්තියට පත්වීමට. සෝවාන් වීමට අප කරුණු හතරක් සම්පූර්ණ කළ යුතුයි.... ඉතිරිය..

කල්‍යාණ මිත්‍ර සම්පත්තිය සංසාරික ලැබීමක්

කල්‍යාණ මිතුරු සංකල්පය උතුම් බෞද්ධ සංකල්පයකි. මෙත්තා යනුවෙන් ධර්මානුකූලව පෙන්වා දෙනු ලබනුයේ මිතුදමයි. “මෙත්තායිතස්ස මෙත්තාය පවත්තස්ස භාවෝ” - මෙත්තා යනු මිත්‍රත්වයේ ස්වභාවය යි. මිත්‍රයා යනු කවුද? “මිජ්ජති තායතීවාති මිත්තො” යමෙක්ගේ සතුටේ... ඉතිරිය..

හොඳ උපාසිකාවක් වන්නේ මෙහෙමයි

වර්තමානයේ වගේම අතීතයේදීත් පිරිමින්ට වඩා කාන්තාව ආගම, දහමට නැඹුරුවීමේ වැඩි ප්‍රවණතාවයක් දක්නට ලැබෙනවා. කාන්තාව ආගමික හික්මීමක් ලැබිම නිසා, සමාජයේ යහපැවැත්ම රඳා පවතින බවත් කාන්තාව නොහික්මුණු අශීලාචාර ගතිවලින් යුක්ත වුවහොත් සමස්ත... ඉතිරිය..

වෙසක් ලංකාවේ පැවති පැරණිම අවුරුදු උත්සවය…

බුදුදහම ලංකාවේ ස්ථාපිත වීමත් සමග දෙවන පෑතිස් රජුගේ කාලයේ ශ්‍රී මහා බොධි ශාඛාවක් අනුරාධපුරයේ මහමෙවුනා උයනේ වැඩ සිටවූයේ වෙසක් මහා පුන් පෝදාකය. සිංහල බෞද්ධ ජනතාවගේ සංස්කෘතියෙහි ආරම්භය මෙයයි. 'සිංහල අවුරුද්ද' එදා... ඉතිරිය..

කල්‍යාණමිත්‍ර සම්පත්තිය

  සාර්ථක වූ සෑම ජීවිතයකම පසුපස හොඳ මිතුරෙක් සිටී. ඒ අනුව සෑම මනුෂ්‍යයෙකුටම හොඳ නරක මිතුරන් සිටී. මිත්‍රත්වය යනු කෙනෙකු රූපයෙන් පමණක් දන හඳුනා ගැනීම නොවේ. නියම තිරසාර හඳුනාගැනීම තමා යමෙකු... ඉතිරිය..

අතීතයත් වර්තමානයත් නාම මාත්‍රයන් පමණි. ය…

සැනසිලි සුවයෙන් සිටින විටෙක මුවගට සිනා රැල්ලක් නැගෙන, ඇසට සතුටු කඳුලක් උනන, අතීතයට ගිය ජීවිතයේ ගතවී ගිය අවස්ථා අප සෑම කෙනෙකුටම ඇත. ඒවාගේම පසුතැවිල්ලට හේතුවන දේ මෙනෙහි කිරීමටවත් අකමැති, සිත... ඉතිරිය..

ඇසුරට සුදුස්සන් තෝරා බේරා ගැනීම

අපි හැම දෙනාම කවුරුන් හෝ ඇසුරු කරමු. ඔවුන් හා ඇසුරට අප පත් වූයේ කෙසේදැයි බොහෝ විට අපි නොදනිමු. කවර හෝ අයුරකින් ඔවුන් හා ඇසුරට අප පත්ව සිටිමු. මේ අතරම නොයෙකුත්... ඉතිරිය..